¿Qué ye?
La Romería Cuir ye un festival cultural y deportivo LGTBIQ+. Queremos que nos cuatro díes de la Romería Cuir se faiga deporte y s’esfrute de les esperiencies culturales que, dende’l colectivu, vamos desendolcar. Too ello dende'l contestu que mos agospia: el rural asturianu. Porque lo que s’escuende y nun se ve, tien muncho más difícil formar parte n’igualdá de la sociedá. Y esta necesidá de visibilidá y ocupación del espaciu publico por parte’l colectivu ye entovía mayor na zona rural.
L'Asociación
La Romería Cuir ye una asociación LGTBIQ+ cultural, deportiva y recreativa asturiana.
L’asociación fundóse’l 12 d’avientu de 2023 col envís de facer un eventu añal nel que se dean la mano la ruralidá, el deporte, la diversidá, el folclor, los lligueros, la esencia reivindicativa y l’alegría de xuntase.
Dende 2023
Entamándola nel pueblu
Ruralidá
Emponderamos la redolada y les sos tradiciones.
Diversidá
Un espaciu pa toles lletres del colectivu.
Comunidá
Autoxestión y cuidaos como base.
En collaboración con:
